بەڵێنەکانی سودانی بە کورد بڵاوکرايەوە

SNN
کارنامەی حکومەتەکەی محەممەد شیاع سودانی بڵاوکرایەوە و تيايدا هیچ گه‌ره‌نتییه‌كی بۆ په‌سه‌ندكردنی یاسای نه‌وت و غازی عێراق نه‌داوه‌، ته‌نیا ده‌ڵێت كێشه‌ی نه‌وت و غازی هه‌رێمی كوردستان به‌پێی ده‌ستور چاره‌سه‌ر دەكرێت.

ئەو خاڵانە پەيوەستن بە کورد لە کارنامەکەدا ئەمانە:

– پرۆژە بۆ چارەسەرى کێشەکانى نێوان حکومەتى هەرێمى کوردستان و حکومەتى فیدراڵى بەگوێرەى دەستوور پێشکەش دەکەین.
– یاسای نەوت و گاز گەڵاڵە دەکەین.
– رێککەوتنى شنگال دەخرێتە کارنامەى حکومەتەوە بۆ گەڕاندنەوەى ئارامى بۆ ئەو قەزایە.
– مافى سەرجەم پارتە کوردستانییەکانە لە کەرکووک و نەینەوا و دیالە وسەڵاحەدین چالاکیى سیاسیى دەستوورى ئەنجام بدەن.
– بارەگاى پارتە کوردستانییەکان لە کەرکووک و نەینەوا و دیالە و سەڵاحەدین کە بەدەست لایەنى دیکەوەن، چۆڵدەکرێن.
– رێوشوێنەکانى تایبەت بە رێککەوتنى پڕکردنەوەى بۆشایی ئەمنى لەنێوان هێزەکانى حکومەتی فیدراڵى و پێشمەرگە تەواو دەکرێن.
– لە ماوەى مانگێک دواى پێکهێنانى حکومەت، لیژنەى باڵاى ماددەى 140 پێکدەهێندرێتەوە.
– قەرەبووى ئەو کەسانە دەکرێتەوە کە ماددەى 140 دەیانگرێتەوە.
– جەختکردنەوە لە هەماهەنگی نێوان حکومەتى فیدراڵى و حکومەتى هەرێمى کوردستان لەبارەى ئەو دۆسیانەى پەیوەندیدارن بە هەرێمى کوردستانەوە.
– بەستنەوەى خوێندنگە کوردییەکانى دەرەوەى هەرێمى کوردستان بە وەزارەتى پەروەردەى حکومەتى فیدراڵییەوە.
– پێکهێنانى چەند فەوجێکى هێزى ئامادەى پۆلیسی فیدراڵى لە خەڵکى کەرکووک.
– هێزى ئامادەى کەرکووک دۆسیەی ئەمنیى شارەکە وەردەگرێت.