سودانی:گرنگیدان بە خۆراک یەکێکە لە پێشینەی کارەکانمان
SNN-
محەمەد شیاع سودانی سەرۆكوەزیرانی نوێی عێراق، فەرمان دەكات جۆرەكانی بەشەخۆراكی هاووڵاتیان باشتر بكرێن، بەشێوەیەك خزمەت بە هەژاران بکات.
ئەمڕۆ شەممە، محەمەد شیاع سودانی، سەرۆکوەزیرانی نوێی عێراق لەگەڵ ئەسیر داود غرێری وەزیری نوێی بازرگانی کۆبووەوە و ڕایسپارد بە پەلەکردن لە دانانی چەند ڕێکارێک بۆ بەشەخۆراکی هاووڵاتییان و باشترکردنی جۆرایەتی و سودانی جەختیکردووەتەوە کە حکومەتەکەی گرنگییەکی زۆر بە دۆسیەی خۆراک دەکات و یەکێکە لە پێشینەی کارەکانی.
سەرۆكوەزیرانی عێراق وەزارەتی بازرگانی ڕاسپاردووە ڕێکاری تایبەت بگرێتەبەر بۆ باشترکردنی جۆرێتی بەشەخۆراک بۆئەوەی پاڵپشتی هاوڵاتیانی هەژار و کەمدەرامت بێت.
