بڕیارێک لە وەزارەتی ناوخۆوە بۆ ئۆتۆمبێلی جامڕەش

SNN-

وەزارەتی ناوخۆی هەرێم بەپێی چەند ڕێکارێک ڕسوماتی جامڕەشکردنی ئۆتۆمبێلی کەمکردەوە و دەشڵێت:” ئەو ڕسوماتەی وەردەگیرێت دەخرێتە سەر حسابی پەرەپێدانی هاتووچۆی پارێزگاكان”.

وەزارەتی ناوخۆی حكومەتی هەرێم لە راگەیەندراوێکدا بڵاویکردووەتەوە و دەڵێت:” ئەو ئۆتۆمبێلانەی لە كۆمپانیای دروستكەرەوە ڕەشی جامەكانیان لە(30%) بێت ئەوا هیچ لێپرسینەوە و ڕسوماتێكیان لێ وەرناگیرێت”.

لە راگەیەندراوەکەی وەزارەتی ناوخۆدا هاتووە کە، ئەو ئۆتۆمبێلانەی لە كۆمپانیای دروستكەرە ڕەشی جامەكانیان (30%) زیاتر بێت و لە (50%)ی كەمتر بێت ئەوا دەبێت ڕسوماتی (50%) بدات و ڕەشی جامی ئەو ئۆتۆمبێلانەی لە (50%) زیاتر بێت و لە (80%)ی كەمتر بێت دەبێت ڕسوماتی (80%) بدات.

بە پێی بڕیارەکەی وەزارەتی ناوخۆ، ئەو ئۆتۆمبێلانەی لە كۆمپانیای دروستكەرە ڕەشی جامەكانیان (30%) بێت ئەوا هیچ لێپرسینەوە و ڕسوماتێكیان لێ وەرناگیرێت، بەمەرجێك جامەكانیان بە لەزگە ڕەش نەكرابێت .

دەشڵێت:” ئەو ڕسوماتەی وەردەگیرێت دەخرێتە سەر حسابی پەرەپێدانی هاتووچۆی پارێزگاكان”.