لە کەرکوک هەڵکردنی ئاڵای کوردستان قەدەغە کرا
SNN
بەڕێوەبەری گشتی پەروەردەی کەرکوک بە نوسراوێک سەرجەم دامەزراوە پەروەردەییەکانی پارێزگاکە ئاگادار دەکاتەوە کە جگە لە ئاڵای عێراق، نابێت هیچ جۆرە ئاڵایەکی دیکە لەسەر بەش و خوێندنگەکانی سەر بە پەروەردە بونی هەبێت، ئەوانەی سەرپێچی بڕیارەکەش دەکەن رووبەڕووی رێکاری یاسایی دەکرێنەوە.
عەبد عەلی حسێن، بەڕێوەبەری گشتی پەروەردەی کەرکوک لە نوسراوێکدا کە دوێنێ سێشەممە دەریکردووە و ئاڕاستەی سەرجەم بەش و خوێندنگەکانی سنووری پارێزگاکەی کردووە، دەڵێت “بەگوێرەی یاسای ژمارە 8ی ساڵی 2008، بەهیچ شێوەیەک رێگە نادرێت جگە لە ئاڵای عێراق، هیچ جۆرە ئاڵایەکی دیکە لەسەر بەش و خوێندنگەکانی سەر بە پەروەردەی کەرکوک دابنرێت”.
ئاماژەی بەوەش کردووە: یاسای عێراقی دیاریکردووە کە نابێت هیچ ئاڵایەکی دیکە جگە لە ئاڵای عێراق لەسەر دامەزراوەکان هەڵبکرێت، ئەویش بەمەبەستی پاراستنی شکۆی دەوڵەت و زیاتر پتەوکردنی دامەزراوە پەروەردەییی و زانستییەکان.
هۆشداریشی داوە ئەوانەی سەرپێچی بڕیارەکە دەکەن رووبەڕووی ڕێکاری یاسایی دەکرێنەوە.
دەقی بڕيارەکە:
