ئومێد خۆشناو: پلانەکەمان بۆ رێگری کردن لە دروستبوونی لافاو سەرکەوتوو بوو

SNN-

پارێزگاری هه‌ولێر راگه‌یاند: تاوەکو ئێستا ئەو بارانەی ناو هەولێر و دەورووبەری باریوە لەژێر کۆنتڕۆڵدایە و تیمەکان لە ئامادەباشیدان و هیچ مەترسییەکیش نییە و پلانەکەمان بۆ رێگریکردن لە دروستبوونی لافاو سەرکەوتوو بوون.

ئومێد خۆشناو, پارێزگاری هەولێر دەشڵێت: “ماوەی چەند مانگێکه هەڵمەتێکی باش کراوە بۆ خاوێنکردنەوەی مەنهۆڵ و ڕێڕەوە سرووشتییەکانی ئاو، ئەوەی پێویست بووە کراوە، 150 کیلۆمەتر ڕێڕەوی سرووشتی ئاو کراوەتەوە و خاوێن کراونەتەوە و چەندین ئاوەڕۆی لوولەیی و سندووقیش دروست کراون و ئامادەکارییەکان بۆ چەندین مانگ دەگەڕێنەوە.”

پارێزگاری هەولێر دڵنیاییشی دایە هاووڵاتییان کە بەهۆی لافاوە مەترسی لەسەر ژیانیان نابێت و گیانیان سەلامەت دەبێت.