چیرۆكى ئهو كچه بێناسنامهیهى كه باوكى فرۆشتى
كچێكى عێراقى بێناسنامه | فۆتۆ: نزار فارس
SNN
كچێكى عێراقى كه وهك خۆى دهڵێت: “تهمهنى 24 ساڵه و هیچ ناسنامهیهكى نییه” باس له چیرۆكى ژیانى خۆى دهكات و ئاماژه بهوهدهكات، “باوكى فرۆشتوویهتى”.
كێشهى منداڵه بێناسنامهكان یهكێكه لهو كێشانهى كه عێراق پێوهى دهناڵێنێت و تا ئێستا هیچ یاسایهك نییه كه ببێته پاڵپشت و ناسنامه بۆ ئهم كهسانه، ههربۆیه سهرجهمیان تووشى كێشهى گهوره دهبن لهكاتى گهورهبوونیان.
لهمیانى چاوپێكهوتنێكیدا لهگهڵ رۆژنامهنووسى عێراقى نزار فارس، كچێكى عێراقى باسى چیرۆكى خۆى دهكات و دهڵێت: “من بێ ناسنامهم و تاوهكو ئێستا هیچ ناسنامهیهكم نییه، تهنانهت نازانم رۆژى لهدایكبوونم كهیه؟ تاكه شت كه ئهیزانم ئهوهیه دهڵێن: تۆ له ساڵى 1998 له دایكبووى”.
ئهو كچه عێراقییه لهبارهى خێزانهكهیهوه باس لهوهدهكات، “كه لهدایكبووه دایكى كۆچى دوایی كردووه، باوكیشى پێیوتووه: تۆ كچى من نیت بۆیه ناسنامهت بۆ دهرناهێنم”، بهڵام ئهو پێیوایه، “هیچ تاوانێكى نییه، كه دایكى له تهمهنێكدا پهیوهندى لهگهڵ كهسێك ههبووه و ئهو بووهته بهرههمى پهیوهندییهكه”.
له وهڵامى ئهو پرسیارهى ئایا ژیانى چۆنه؟ ئهو كچه ئاماژه بهوهدهكات: “له دۆخێكى خراپدایه، چونكه له تهمهنێكى منداڵیدا باوكى فرۆشتوویهتى به چهند دۆلارێك به خێزانێكى تر، خێزانهكه هاوسهرگرییان پێكردووه لهگهڵ یهكێك له كوڕهكانیان، پاش ههفتهیهك تهڵاقیانداوه و هاوسهرگرییان پێكردووه لهگهڵ كوڕێكى تریان”.
به وتهى خۆى، “له ئێستادا له شوێنێكهوه دهچێت بۆ شوێنێكى تر و له ئیشێكهوه بۆ ئیشێكى تر، بهڵام بهردهوام رووبهڕووى دهستدرێژى و ههراسانكردن دهبێتهوه بههۆى ئهوهى ناسنامهى نییه”.
ئهو كچه عێراقییه داوا له حكومهتى عێراق و بهرپرسان دهكات كێشهى ئهو و سهدان منداڵى ترى بێناسنامه چارهسهر بكهن، بۆ ئهوهى چیتر كهس وهك ئهو رووبهڕووى دهستدرێژى و ژیانێكى ناخۆش نهبێت.
