فه‌یسه‌ڵ كه‌ریم خان برادۆستى بووه ئه‌ندامى سه‌ركردایه‌تى یه‌كێتى
سه‌رۆكى یه‌كێتیی نیشتمانیی كوردستان و فه‌یسه‌ڵ كه‌ریم خان برادۆستى | فۆتۆ: نووسینگه‌ى راگه‌یاندنى سه‌رۆكى یه‌كێتى
SNN
فه‌یسه‌ڵ كه‌ریم خان برادۆستی بووه ئه‌ندامی سه‌ركردایه‌تی یه‌كێتیی نیشتمانیی كوردستان.
پێگه‌ى فه‌رمى یه‌كێتیی نیشتمانیی كوردستان ئه‌مڕۆ پێنجشه‌ممه 8ى كانونى یه‌كه‌م، بڵاویكرده‌وه، “به بڕ‌یاری هه‌ڤاڵ بافڵ جه‌لال تاڵه‌بانی، سه‌رۆكی یه‌كێتیی نیشتمانیی كوردستان، فه‌یسه‌ڵ كه‌ریم خان مه‌حمود خه‌لیفه برادۆستی ده‌بێته ئه‌ندامی سه‌ركردایه‌تی یه‌كێتی”.
پێگه‌كه ئاشكرایكردووه، “سه‌رۆكی یه‌كێتیی نیشتمانیی كوردستان پاڵپشت به‌و ده‌سه‌ڵاته‌ی په‌یڕه‌و پێیداوه له بڕ‌گه‌ی یه‌كه‌م له ماده‌ی 62ی په‌یڕه‌وی ناوخۆ و دوای ته‌واوكردنی رێكاره په‌یره‌ویه‌كان، بڕ‌یاره‌كه‌ی ده‌ركردووه. بڕ‌یاره‌كه له 7ى كانونى یه‌كه‌مى 2022 ه‌وه جێبه‌جێده‌كرێت”.
بەپێی بڕ‌گەی یەك لە مادەی 62ی هەمواركراوی پەیڕەوی ناوخۆ سەرۆكی یەكێتیی نیشتمانیی كوردستان دەسەڵاتی هەیە كە سێ تا چوار كەسایەتی دیاری سیاسی بە ئەندامی ئەنجوومەنی سەركردایەتی دابنێت.
