لە بارەی بەرزبوونەوەی نرخی گۆشتی سوور روونکردنەوە دەدرێت

SNN-

بەرێووەبەری چاودێری بازرگانی سلێمانی رەتیدەکاتەوە نرخی کیلۆیەک گۆشتی سوور بۆ 20 هەزار دینار بەرزبووبێتەوە، دەشڵێت:” هەر شوێنێک نرخ بەرزبکاتەوە شوێنەکەی دادەخرێت و سزا دەدرێت”.

سۆران عەبدولغەفور، بەڕێوەبەری چاودێری بازرگانی سلێمانی بە تۆڕی هەواڵی سلێمانی راگەیاند، ئەو هەواڵانەی کە لەبارەی بەرزبوونەوەی نرخی کیلۆیەک گۆشتی سوور بۆ 20 هەزار دینار بڵاوکراونەتەوە دوورە لە راستییەوە و هیچ نرخێکی نییە، هەر شوێنێک نرخ بەرزبکاتەوە سزا دەدرێت وشوێنەکەشی دادەخرێت.

ئاماژەی بەوەشکرد، ئێستا نرخی کیلۆیەک گۆشت لە 12 بۆ 17 هەزار دینارە و بە پێی جۆرەکەی دەگۆڕێت، بەڵام لەو نرخە گرانتر بفرۆشرێت لە هەر شوێنێک سزادەدرێت.