لە پێنجوێن پشوو راگەیەندراو رێگەی ملەکەوەش داخرا

SNN-

قائیمقامی پێنجوێن رایگەیاند، بەهۆی نزمبوونەوەی پلەکانی گەرما و بەردەوامبوونی بارینی بەفر سبەینێ پشووی فەرمیییە لەسەرجەم خوێندنگاکانی سنوری هەردوو ناحیەی گەرمک و ناڵپارێزو ناو قەزای پێنجوێن.

زاناڕەحمان ، قائیمقامی پێنجوێن رایگەیاند، بەهۆی بەهۆی نزمبوونەوەی پلەکانی گەرما و بەردەوامبوونی بارینی بەفر لەسنوری قەزاکەماندا بەڕاوێژ لەگەڵ بەڕێوەبەرایەتی پەروەردەی پێنجوێن بڕیارماندا سبەینێ پێنجشەممە 5ی کانوونی دووەمی 2023 پشووی فەرمی بێت لەسەرجەم خوێندنگاکانی سنوری هەردوو ناحیەی گەرمک و ناڵپارێز و ناو قەزای پێنجوێن.

هەروەها سەرۆکایەتی شارەوانی پێنجوێنیش بڵاویکردووەتەوە، بەهۆی بەفربارینەوە رێگای ملەکەوە داخراوە، داوا لەشۆفێران دەکەین زۆر پێویست نەبێ سەردانی دەرەوەی شارنەکەن و ڕێگاکە بەکارنەهێنن، تیمەکانی شارەوانی پێنجوێن سەرقاڵی پاکردنەوەی ڕێگاکەن.