“باوكێك له هه‌ولێر به دڕندانه‌ترین شێوه كچه‌كه‌ى خۆى كوشت”
هه‌نووكه | فۆتۆ: SNN
SNN
ئه‌مڕۆ هه‌ینى هۆگر عەزیز، وتەبێژی پۆلیسی هەولێر رایگه‌یاند، “باوكێك له هه‌ولێر به دڕندانه‌ترین شێوه كچه ته‌مه‌ن 16 ساڵانه‌كه‌ى خۆى كوشت”.
ئه‌مڕۆ هه‌ینى 6ى كانونى دووه‌م، هۆگر عەزیز، وتەبێژی پۆلیسی هەولێر رایگه‌یاند، “باوكێك كه پێشینه‌ى به‌كارهێنانى مادده‌ى هۆشبه‌رى هه‌یه كچه ته‌مه‌ن 16 ساڵانه‌كه‌ى به دڕندانه‌ترین شێوه كوشتووه”.
وتیشى: “تۆمه‌تباره‌كه هه‌ڵاتووه و تا ئێستا ده‌ستگیر نه‌كراوه”.
به وته‌ى وته‌بێژى پۆلیسى هه‌ولێر، “رووداوه‌كه له گه‌ڕه‌كى موفتى شارى هه‌ولێر روویداوه و به‌شێوه‌یه‌ك بووه كه تۆمه‌تباره‌كه به‌شێوه‌یه‌كى دڕاندانه ئازارى كچه‌كه‌ى داوه تاوه‌كو كوشتوویه‌تى”.
هۆگر عه‌زیز ئه‌وه‌شى خسته‌ڕوو، “لێكۆڵینه‌وه له رووداوه‌كه ده‌ستیپێكردووه و تیمه‌كانى پۆلیسى له شوێنى رووداوه‌كه‌ن”.
