بە بەشداری سەرۆک بافڵ هاوپەیمانیی بەڕێوەبردنی دەوڵەت کۆبووەوە

SNN

ئەمڕۆ دووشەممە 9 ی 1 ی 2023 بە ئامادەبوونی بافڵ جەلال تاڵەبانی سەرۆکی یەکێتیی نیشتمانیی کوردستان، هاوپەیمانیی بەڕێوەبردنی دەوڵەت لە بارەگای موسەنا سامەڕائی سەرۆکی ھاوپەیمانیی عەزم، لە بەغدا کۆبووەوە .

لە کۆبوونەوەکەدا تاوتوێی دوایین گۆڕانکارییە سیاسی و ئەمنیەکان، بەدواداچووون بۆ جێبەجێکردنی بەرنامەی حکومەت کرا، بۆ ئەوەی ببێتە مایەی گەشەپێدان وخزمەتکردنی زیاتری هاووڵاتیان.

هەروەها کۆبوونەوە گفتوگۆی لەبارەی ئەو یاساورێسایانەوە کرد کەبڕیارە پەسەندبکرێن لە رۆژانی یەکەمی وەرزی نوێی ئەنجومەنی نوێنەران.

لای خۆیەوە سەرۆکی ئەنجومەنی وەزیران باسی جێبەجێکردنی گرنگترین ئەو خاڵانەی کرد کە لە بەرنامەی حکومیدان وئەنجومەنی نوێنەران دەنگی پێداوە لەوانە هەڵوەشانەوەی بڕیارەکانی حکومەتی کاربەڕێکەر و رووبەڕوبوونەوەی گەندەڵی و هاوکاری کەمدەرامەتان .