نرخى سووتهمهنى له ههولێر بهشێوهیهكى بهرچاو بهرزبووهوه
پڕكردنهوهى بهنزین له وێستگهیهكى سووتهمهنى | فۆتۆ: Alexandra Koehn
SNN
بهیانى ئهمڕۆ نرخى سووتهمهنییهكانى نهوت و غاز و بهنزین له شارى ههولێر بهشێوهیهكى بهرچاو بهرزبوونهوهى بهخۆیهوه بینى، بهشێوهیهك نرخى یهك بتڵ غاز گهیشته 19 ههزار دینار.
بهپێى زانیارییهكانى SNN، “بهیانى ئهمڕۆ نرخى یهك بتڵ غازى ماڵان گهیشتووهته 19 ههزار دینار، ئهمه بهزانینى ئهو راستییهى كه نرخى یهك بتڵ غاز له دوو رۆژى رابردوودا 13 ههزار دینار بووه”.
هاوكات، “نرخى یهك دهبهى 20 لیترى نهوتى سپى له 19 ههزار دینارهوه بهرزبووهتهوه بۆ 20 ههزار دینار”.
بهرزبوونهوهى نرخى غاز و نهوت له ههولێر هاوكاته لهگهڵ بهرزبوونهوهى نرخى بهنزین، چونكه بهیانى ئهمڕۆ نرخى یهك لیتر بهنزینى نۆرماڵ له بهنزینخانهكانى ههولێر له 950 دینارهوه بهرزبوویهوه بۆ 975 دینار.
ههڵكشانى نرخى سووتهمهنى له پایتهختى ههرێمى كوردستان هاوكاته لهگهڵ بهرزبوونهوهى نرخى دۆلار له بازاڕهكانى ههرێم و داكشانى بههاى دینار كه ماوهى زیاتر له مانگێكه نرخهكهى ناجێگیره له سهرتاسهرى عێراق.
