حكومهتى ههرێم به 19 دۆلار كهمتر له نرخى خۆى نهوتى فرۆشتووه
كێڵگهیهكى نهوتى له هەرێمی کوردستان | فۆتۆ: Haider Mohammed Ali / AFP
SNN
بهپێى راپۆرتێكى رێكخراوى روونبین بۆ شەفافیەت لە پرۆسەكانی نەوت حكومهتى ههرێمى كوردستان كهمتر له نرخى بازاڕ نهوتى فرۆشتووه ساڵى رابردوو، هاوكات، ئاشكراشیدهكات، ساڵى رابردوو حكومهتى ههرێم 46%ى داهاتى نهوتهكهى بۆ ماوهتهوه.
له راپۆرتهكهیدا رێكخراوى روونبین بۆ شەفافیەت لە پرۆسەكانی نەوت ئاماژهى بهوهكردووه، “حكومەتی هەرێمی كوردستان لە دوای بڕیارەكەی دادگای فیدراڵیەوە نەوتەكەی بە نرخی زۆر كەمتر فرۆشتووە لە بازاڕەكانی جیهاندا، بە جۆرێك لە مانگی كانونى دووهمى 2022دا نرخی بەرمیلێك نەوتی بە 19 دۆلار كەمتر لە بازاڕەكانی جیهان فرۆشتوویەتی”.
ههر بهپێى راپۆرتهكه، “كۆی داهاتی نەوتی فرۆشراوەی هەرێمی كوردستان 12 ملیار و 422 ملیۆن دۆلار بووە لەو بڕە 5 ملیار و 709 ملیۆن دۆلاری بۆ ماوەتەوە”.
له راپۆرتهكهدا ئهوهش ئاشكرا كراوه، “حكومهتى ههرێم تهنیا رێژهى 46%ى داهاتى نهوتى بۆ ماوهتهوه”.
