کەشناسی: نمەباران دەبارێت

SNN-

کەشناسی هەرێم رایگەیاند، ئەمڕۆ هەینی لە هەندێک ناوچە بە تایبەت ناوچە شاخاوییەکانی پارێزگای دهۆک ئەگەری کەمێک باران بارین هەیە و سبەینێ شەممە پلەکانی گەرما نزمدەبنەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، ئەمڕۆ هەینی ئاسمان نیمچە هەور بۆ هەوری تەواو دەبێت، لە هەندێک ناوچە بە تایبەت ناوچە شاخاوییەکانی پارێزگای دهۆک ئەگەری کەمێک باران بارین هەیە .

هەروەها سبەینێ شەممە 04 ی ئاداری 2023، ئاسمان پەڵە هەور و نیمچە هەور دەبێت، لە هەندێک ناوچە دەگۆڕێت بۆ هەوری تەواو و پلەکانی گەرما بە نزیکەی 1 تا 2 پلە نزم دەبنەوە.

بەرزترین پلەکانی گەرمای پێشبینیکراو بە پلەی سیلیزی :
هەولێر : 21 پلەى سیلیزى
سلێمانی : 21 پلەى سیلیزى
دهۆک : 20 پلەى سیلیزى
کەرکوک : 24 پلەى سیلیزى
هەڵەبجە : 21 پلەى سیلیزى
زاخۆ : 21 پلەى سیلیزى
سۆران : 20 پلەى سیلیزى
گەرمیان : 25 پلەى سیلیزى