کەشناسی: رۆژانی نەورۆز باران دەبارێت

SNN-

کەشناسی هەرێم کەشوهەوای ئەمڕۆ و سبەینێی بڵاوکردەوە و رایگەیاند، ئاسمان هەوری تەواو دەبێت لەگەڵ بارینی بارانی مام ناوەند لە دوایی نیوەرۆ لە هەندێ ناوچەدا باران بە لێزمە دەبێت و هەورە تریشقەشی لەگەڵدا دەبێت، شارەزایەکی کەشناسیش دەڵێت:” لە سبەینێوە شەپۆلێکی بارانی بەهارە هەرێمی کوردستان دەگرێتەوە و یەک هەفتە بەردەوام دەبێت”.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان رایگەیاند، ئەمڕۆ شەممە 18- 3- 2023، ئاسمان لە نێوان نیمچە هەور بۆ هەوری تەواو دەبێت لە کاتەکانی شەودا ئەگەری بارینی نمە باران هەیە بە تایبەتی لە ناوچەکانی باکووری رۆژئاوای هەرێم، پلەکانی گەرماش بەرز دەبێت بە (2-4) پلەی سیلیزی بە بەراورد لە تۆمارکراوی رۆژی پێشوو.

هەروەها سبەینێ یەکشەممە 19- 3- 2023، ئاسمان هەوری تەواو دەبێت لەگەڵ بارینی بارانی مام ناوەند لە دوایی نیوەرۆ لە هەندێ ناوچەدا باران بە لێزمە دەبێت و هەورە تریشقەشی لەگەڵدا دەبێت، پلەکانی گەرما نزم دەبێتەوە بە (1-2) پلەی سیلیزی بە بەراورد لە تۆمارکراوی رۆژی پێشوو.

هەروەها ئاسۆ کەمال، بەڕێوەبەری کەشناسی و بومەلەرزەزانی سلێمانى رایگەیاند: ئەمڕۆ تاڕادەیەک پلەکانی گەرما بەرزدەبنەوە، بەڵام لە سبەینێوە کەشوهەوا ناجێگیر دەبێتەوە و بارانبارین دەستپێدەکاتەوە و لە رۆژانی نەورۆزدا باران دەبارێت.
بینیکراو بە پلەی سیلیزی :
هەولێر : 20
سلێمانی : 19
دهۆک : 19
کەرکوک : 23
هەڵەبجە : 20
زاخۆ : 19
سۆران : 18
گەرمیان : 25