ماراسۆنی نەورۆز لە سلێمانی بەڕێوەدەچێت

SNN

بۆ یەکەمجار پلاتفۆرمی (ئین سلێمانی) لە 20ی ئازار ماراسۆنی نێودەوڵەتیی نەورۆز لە سلێمانی رێکدەخات.

پلاتفۆڕمی (ئين سلێمانی) لە هەژماری خۆی لە تۆڕی کۆمەڵايەتی فەيسبوک پلانی ماراسۆنەکەی بڵاوکردووەتەو رايگەياندووە: ماراسۆنەکە کاتژمێر 10ی بەیانی لە بازنەیی مەلیک مەحمود بەردەم کۆمەڵگەی نیشتەجێبوونی گۆیژەوە دەستپێدەکات و وەرزشکاران دەتوانن دوو مەودا هەڵبژێرن: 5کم و 21کم.

راشيگەياندووە: ماراسۆنی نێودەوڵەتیی نەورۆز لە سلێمانی تەنیا پێشبڕکێ نییە، بەڵکو ئەزموونێکی جیاوازە و بەشداربووان بە دڵی سلێمانیدا رادەکەن و دیمەنەکانی ئەم شارە پڕ لە ژیانە دەبینن.

ئاماژەی بەوەشکردووە: چالاکییەکەمان بۆ هەمووان کراوەیە و خەڵات بۆ براوەی هەردوو ڕەگەز لە هەر بەشێکی ماراسۆنەکەدا دابیندەکرێت.

فۆرمی ناو تۆمارکردن لەم لينکەدايە: