کەشناسی: شەپۆلێکی بارانبارینی بەهێز هەرێمی کوردستان دەگرێتەوە

SNN-

کەشناسی هەرێم رایگەیاند، لە ناوەراستی هەفتەی داهاتووەوە شەپۆلێکی بارانبارینی بەهێز هەرێمی کوردستان دەگرێتەوە و دەبێتە هۆی بەرزبوونەوەى ئاستى ئاو و پلەکانی گەرماش نزم دەبنەوە.

بەرێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، لە ماوەى نێوان ڕۆژى دووشەممە تا ڕۆژى هەینى هەفتەى داهاتوو شەپۆلێکى باران بارین روو لە ناوچەکەمان دەکات، لە ئەنجامى یەکگرتنى هەردوو نزمە پاڵەپەستۆى دەریاى ناوەڕاست و تورکیا شەپۆڵێکى باران بارین سەرجەمى ناوچە جیاجیاکان دەگرێتەوە و رۆژى دووشەممە سەرەتا باران بارینى کەم لە ناوچەى جیاجیا دەبارێت.

کەشناسی ئاماژەی بەوەشکردووە، رۆژى سێشەمممە و چوارشەممە و شەپۆلی باران بارین بەهێز دەبێت بە گوێرەى نەخشەکانى بارانى پێشبینیکراو لەسەر ناوچەکەمان ئاستى دابارین بە شێوەى لێزمە باران و هەورە تریشقەو هەندێ کات بەرزبوونەوەى ئاستى ئاویش دەبێت لەگەڵ نزم بوونەوەى پلەکانى گەرما.