ئەوقافی هەرێم لەبارەی یەکەم رۆژی جەژنی رەمەزان روونکردنەوە دەدات

SNN

سەرۆکی کۆمەڵەی فەلەکناسی سعودیە رایگەیاندووە رۆژی هەینی یەکەم رۆژی جەژنی مانگی پیرۆزی رەمەزانە لەو بارەوە وتەبێژی وەزارەتی ئەوقافی هەرێم روونکردنەوە دەدات.

نەبەز ئیسماعیل وتەبێژی وەزارەتی ئەوقاف و کاروباری ئایینی هەرێمی کوردستان بە SNNی راگەیاند: “لای ئێمە رای فەلەکناسەکان وەرناگیرێت، ڕۆژی پێنج شەممە، 29 ی ڕەمەزان، لیژنەی بینینی مانگ بەھەماھەنگی لیژنە لاوەکیەکان کۆدەبێتەوە و بڕیاری کۆتایی لەبارەی جەژنەوە دەدات”.

راشیگەیاند، “تەنیا لیژنەی بینینی مانگ بڕیار دەدات و ڕای فەلەکناس و ئەمانە لای ئێمە بڕواپێکراوە نیە”.

وتەبێژی وەزارەتی ئەوقاف و کاروباری ئایینی هەرێمی کوردستان جەختیشی کردەوە، ” ئێمە پشت بەبەڵگەی شەرعی دەبەستین”.