وێنەی ئەو ئەسپەی گۆشتفرۆشێک سەری بڕیوە و ویستویەتی بەسەر هاووڵاتییاندا ساخی بکاتەوە بڵاوکرایەوە

SNN-

قائیمقامییەتی سلێمانی وێنەی ئەو ئەسپەی بڵاوکردەوە کە لە لایەن گۆشتفرۆشێکە سەربڕدراوە و ویستویەتی بە گۆشتی گوێرەکە بیفرۆشێت بە هاووڵاتییان و دەشڵێت:” ئەو ئەسپە یان نەخۆش بووە یان دزراوە، یان قاچی شکاوە ئەگەر نا گۆشتی ئەسپ زۆر گرانە.

رێکان جەمال، سەرۆکی لیژنە هاوبەشەکانی قائیمقامیەتی سلێمانی لە کۆنگەرەیکی رۆژنامەوانیدا رایگەیاند، دوای ئەوەی لە لایەن کەسێکەوە زانیاریمان پێدرا کە لە لایەن قەسابێکەوە ئەسپێک سەربڕدراوە کە مەبەستی بووە وەک قیمە لەسەر شەقامەکان ساغی بکاتەوە.

دەشڵێت:” لاشە و سەرو قاچی ئەسپەکە دەستی بەسەردا گیراوە و دوو کەسیش لەسەر ئەم کەیسە دەستگیرکراوە، فەرمانی گرتن بۆ دوانی تریش دەرچووە”.

قائیمقامیەتی سلێمانی داوا لە هاووڵاتییانیش دەکات لە سەرشەقامەکان گۆشت مەکڕن بۆ دوو هەزار کەمتر، بۆئەوەی گۆشتی خراپ بوو نەکڕن.