نرخی نەوت بەڕێژەیەکی بەرچاو دابەزی

SNN-

ئەمڕۆ چوارشەممە نرخی نەوتی خاوی برێنت و نەوتی خاوی ئەمەریكی لە بازاڕەكانی جیهاندا دابەزینێکی بەرچاوی بەخۆوە بينی بەراورد بە دوێنێ سێشەممە نرخەکەی نزیکەی 5 دۆلار دابەزیوە.

بەپێی داتاکانی ماڵپەڕی ئابووری ئۆيل پرايس: ئەمڕۆ چوارشەممە 3ی ئایاری 2023, نرخی یەك بەرمیل نەوتی خاوی برێنت بە 75 دۆلار و 24 سەنت مامەڵەی پێوەدەكرێت، هەروەها نرخی یەك بەرمیل نەوتی خاوی ئەمەریكیش بە 71 دۆلار و 53 سەنت مامەڵەی پێوەدەكرێت.

ئەمە لەکاتێکدایە، ئەنجومەنی وەزیرانی عیراق لە پرۆژە یاسای بودجەی ئەمساڵدا نرخی یەک بەرمیل نەوتی بە 70 دۆلار خەمڵاندووە، بەڵام بەهۆی بەردەوامی شەڕی رووسيا و ئۆکرانيا ئەو نرخە جێگيری بەخۆوە نابينێت.