پێشبینی بۆ شەپۆلێکی دیکەی باران بارین راگەیەندرا

SNN

بەوتەی شارەزایەکی کەشناسی هێشتا وەرزی دابارین تەواو نەبووە و لە نیوەی دووەمی ئەم مانگەوە ئەگەری چەند حاڵەتێکی دیکەی باران و هەورە بروسکە لە ئارادایە.

شاڵاو هیدایەت شارەزای کەشناسی رایگەیاند: “وەرزی دابارین کۆتایی نەهاتوە، هەرچەند ماوەیەکە حاڵەتەکانی باران و هەورە بروسکە لەناوچەکان وەستاوە ئەمیش بەهۆی ساردبوونەوەی بەشی خۆرهەڵاتی دەریای ناوەڕاست و هەروەها باکووری دەریای سوور بەتایبەتی چونکە ئەم دوو دەریایە کاریگەری سەرەکیان هەیە لەسەر ناوچەکە هەیه بەشێوەی ڕاستەوخۆ ، ئەوە مەودایەی داهاتوو تاناوەڕاستی مانگ هەرحاڵەتێکی باران هەبێت زیاتر لاوازنو گشتگیر نین”.

باسی لەوەشکردووە: “زەریای ئەتڵەسی بەشێکی زۆرینەی گەرم و ئەکتیڤە ئەگەر هەیە لەناو نیوەی دووەمی ئەم مانگەوە و بەولاوە بێتەوە بەرژەوەندی ناوچەکە لەم مەودایەی نیوەی دووەمی ئەم مانگەو بۆ نزیک کۆتایی بەهار یان کۆتایی بەهارچەند حاڵەتێکی تری باران و هەورە بروسکە دەبن بەشێوەی بەرفراونترو کاریگەری و بڕی زیاتر لەگەڵ نزیک بوونەوە زانیاریمان دەبێت لەسەریان “.