ئۆتۆمبێل بە قیست دەدرێت بە کارمەندانی وەزارەتی تەندروستی

SNN

هاوژین عوسمان سەرۆكی لقی سلێمانی سەندیكای كارمەندانی تەندروستی لە لێدوانێکی میدیایدا رایگەیاند: “ئەمڕۆ لەگەڵ کۆمپانیایەک لێکتێگەیشتن واژوو دەکەین تاوەکو ئۆتۆمبێل بە قیست بدرێت بە کارمەندانی تەندروستی، لێکتێگەیشتنەکە بە جۆرێکە سود ناچێتە سەر قیستی ئەو ئۆتۆمبێلەی بە کارمەندانی تەندروستی دەدرێت.”

ئەوەشی خستەڕوو، تاوەکو ساڵێک خزمەتگوزاری ئۆتۆمبێلەکە لەسەر کۆمپانیاکە دەبێت و پارەی ژمارەی ئۆتۆمبێلەکەش لە ئەستۆی کۆمپانیاکە دەبێت، ئۆتۆمبێلەکە لە جۆری چێرییە و کارمەندانی تەندروستی دەتوانن راستەوخۆ پاش واژوو کردنی لێکتێگەیشتنەکە لەو قیستە سودمەند بن.

وتیشی، “سەرجەم کارمەندانی تەندروستی بە تەندروستکاران و کارگێری نەخۆشخانەکانیشەوە دەتوانن لەم قیستە سودمەند بن و بۆ وەرگرتنی قیستەکە بانک نابێتە بە نێوەندگیر، ئۆتۆمبێلەکە پێویستی کەفالەت یان تاپۆی خانوونییە”