12 کوژرا و 20 بریندار لە ئەنجامی هێرشەکەی ئیسڕائیل بۆ سەر فەڵەستین هەیە

SNN

وەزارەتی تەندروستی فەڵەستین بەرەبەیانی ئەمڕۆ سێشەممە ڕایگەیاند، ژمارەی کوژراوانی دوێنێی هێرشەکانی ئیسرائیل بۆ سەر غەززە بۆ 12 کەس بەرزبوەتەوە کە لە نێویاندا منداڵ و سەرکردەکانی لیواکانی قودسی بزوتنەوەی جیهادی ئیسلامی تێدایە.

بەرپرسێکی تەندروستی لە کەرتی غەززە ڕایگەیاند، لە هێرشە ئاسمانییەکان کە ناوچەکانی نیشتەجێبونیان گرتوەتەوە، لانیکەم 12 کەس کوژراون و 20 کەسی دیکەش برینداربوون.

سوپای ئیسرائیل پێشتر ڕایگەیاندبوو، سێ سەرکردەی باڵای بزووتنەوەی جیهادی ئیسلامی کردوەتە ئامانج، ئەمەش ئاماژەیە بۆئەوەی کە شوێن و کۆگاکانی سەر بە بزوتنەوەی جیهادی ئیسلامی لە غەززە کراونەتە ئامانج.