کەشناسی هەرێم وادەی کۆتايهاتنی خۆڵبارينی راگەياند

SNN

کەشناسی هەرێم رايگەياند: ئەمڕۆ بە گشتی ئاسامن ساماڵ دەبێت و تۆزێکی سوک لەسەر بەشێک لە پارێزگای کەرکوک و ئيدارەی گەرميان هەيە، سبەينێ ئاسمان پەڵە هەور دەبێت.

بەشی پێشبيينييەکانی کەشوهەوا سەر بە وەزارەتی گواستنەوە و گەياندنی هەرێم رايگەياند: ئەمڕۆ ئاسمان بەگشتى ساماڵ دەبێت  و خێراى با زیاد دەکات کە دەگاتە سەرووى 15 کم لە کاتژمێرێکدا, ئەگەرى  بوونى تۆزێکى کەم  لەسەر بەشێک  لە پارێزگاى کەرکووک و ئیدارەى گەرمیان هەیە، دەشڵێت “پلەکانی گەرما کەمێک نزم دەبێتەوە بە  بەراوورد بە تۆمارکراوەکانی دوێنێ”.

ئاماژەی بەوەشکردووە: سبەی دووشەممە ئاسمان ساماڵ و پەڵە هەور دەبێت لەگەڵ نزمبوونەوەى پلەکانى گەرما بە نزیکەى (1-3) پلەى سیلیزى.