کەشناسی: پلەکانی گەرما بەرزدەبنەوە

SNN-

وەزارەتی گواستنەوە و گەیاندنی حکومەتی هەرێمی کوردستان کەشوهەوای 48 کاتژمێری داهاتووی بڵاوکردەوە و رایگەیاند: پلەکانی گەرما بەرزدەبنەوە.

ئەمڕۆ چوار شەممە 17ی ئایاری 2023، ئاسمان بەگشتى ساماڵ و پەڵە هەور دەبێت و پلەکانی گەرما کەمێک بەرز دەبێتەوە بە (1-2) پلە بە بەراوورد بە تۆمارکراوەکانی دوێنێ.

هەروەها سبەینێ پێنجشەممە 18ی ئایاری 2023، ئاسمان بە گشتى ساماڵ و پەڵە هەور دەبێت پلەکانی گەرماش بە نزیکەی 2 تا 4 پلە بەرزتر دەبێت لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:
هەولێر : 34 پلەى سیلیزى
سلێمانی : 31 پلەى سیلیزى
دهۆک : 32 پلەى سیلیزى
کەرکوک : 38 پلەى سیلیزى
هەڵەبجە : 33 پلەى سیلیزى
حاجی ئۆمەران : 18 پلەى سیلیزى
زاخۆ : 33 پلەى سیلیزى
سۆران : 29 پلەى سیلیزى
گەرمیان : 39 پلەى سیلیزى