تاوەباران و هەورەبروسکە چەند ناوچەیەک دەگرێتەوە

SNN

بەوتەی شارەزایەکی کەشناسی تاوەباران و هەورەبروسکە چەند ناوچەیەکی شاخاوی هەرێمی کوردستان دەگرێتەوە.

ئاراس جه‌بار، شاره‌زای كه‌شوهه‌وا رایگه‌یاند: “سبەی سێشەممە 30/5/2023، ئاسمانی ھەرێمی كوردستان، ساماڵ پەڵەھەور ئەبێت، بەھۆی بەردەوامی باری ناسەقامگیری بەرگەھەوا، لە ھەندێك ناوچەی سنووری پارێزگای سلێمانی و دھۆک و ناوچە شاخاویەکانی پارێزگای ھەولێر و ئیدارەی راپەرین لە نێوان کاتەکانی ئێوارە و شەو، ئەگەری تاوەبارانی کورتخایه‌ن و چالاکبوونی ھەورەبرووسکە ئەبێت”.

باسی لەوەسکردووە: “پلەی گەرما جێگیر ده‌بێت، ھەندێك ناوچەش بەرزبوونەوە بەخۆیەوە ئەبینێت، خێرایی با، به‌شێوه‌یه‌كی مامناوەند چالاک ئەبێت له‌ نێوان 10 – 25کم/ك، ئاڕاستەی با ناجێگیر دەبێت”.

بەرزترین پلەی گەرمی پێشبینیکراو به‌م شێوه‌ی خواره‌وه‌یه‌:-

ھەولێر 35

سلێمانی 32

دھۆک 32

ھەڵەبجە 34

کەرکوک 36

گەرمیان 39