ژيانی ژمارەيەک کۆچبەری خەڵکی سلێمانی و هەڵەبجە لە مەترسيدايە

SNN

نوێنەری کۆمەڵەی پەنابەرەگەڕاوەکان لە ئەوروپا  رايگەياند: بەلەمێکی پەنابەران بە 90 سەرنشينەوە لە دورگەی کريتی يۆنان ئاستەنگی بۆ دروستبووە و زۆرينەی سەرنشينەکانی خەڵکی سلێمانی و هەڵەبجەن.

پێشڕەو عەبدوڵڵا، نوێنەری کۆمەڵەی پەنابەرەگەڕاوەکان لە ئەوروپا رايگەياند: بەلەمێکی کۆچبەران سێ رۆژە لە تورکیاوە بۆ وڵاتانی ئەوروپا بەڕێکەوتووە و لە نزیک دوورگەی کریتی یۆنان ئاستەنگی بۆ دروستبووە و بەهۆیەوە ژیانی 90 کۆچبەر لە مەترسیدایە کە زۆرینەیان کوردن و خەڵکی پارێزگاکانی سلێمانی و هەڵەبجە، هەروەها رۆژئاوا و رۆژهەڵاتی کوردستانن و ژن و منداڵیان تێدایە.

ئاماژەی بۆ ئەوەیشكرد: بەرەبەیانیی ئەمڕۆ پۆلیسی کەناراوەکانی یۆنانمان لە رووداوەکە ئاگادار کردەوە؛ تاوەکو ئەوان گەیشتبوون بەلەمەکە کەمێک کاری کردبوو و شوێنەکەی گۆڕیبوو. ئێستا لەکار کەوتووەتەوە و ئێمەش لەسەر هێڵین بۆ ئەوەی پۆلیسی کەناراوەکانی یۆنان بەهانایانەوە بچن.”