هێلیکۆپتەرێکی هێزەکانی ئەمریکا لە سوریا کەوتەخوارەوە
SNN
فەرماندەی ناوەندی ئەمریکا رایگەیاند: 22 سەربازیان لە رووداوێکی کەوتنەخوارەوەی هێلیکۆپتەرێکیاندا لە سووریا بریندار بوون، بەڵام شێوازی رووداوەکە ئاشکرا نەکراوە.
فەرماندەیی ناوەندیی ئەمریکا لە راگەیەنراوێکدا بڵاوی کردەوە: درەنگای ئێوارەی دوێنێ لە باکووری رۆژهەڵاتی سوریا، بەهۆی کەوتنەخوارەوەی هێلیکۆپتەرەێکیانەوە 22 سەربازیان بریندار بون کە 10 یان گواستراونەتەوە بۆ بنکە چاودێرییەکانی دەرەوەی ناوچەی ئۆپراسیۆنەکانیان.
فەرماندەیی ناوەندیی ئەمریکا، بەبێ ئەوەی شێوازی رووداوەکە رونبکاتەوە و هیچ لایەنێک تۆمەتبار بکات، رایگەیاند: دەستیان بە لێکۆڵینەوە لە رووداوەکە کردووە.
ئەمەش لەکاتێکدایە رۆژنامەی واشنتۆن پۆست لەسەرەتای ئەم مانگەدا، بڵاویکردەوە: ئێران هەوڵەکانی بۆ هێرشکردنە سەر هێزەکانی ئەمریکا لە سوریا چرکردووەتەوە.
