دۆخی فەرەنسا ئاڵۆزە و باری نائاسايی راگەيەندرا

SNN

دوای کوژرانی گەنجێکی تەمەن 17 ساڵ بەناوی نايل لە فەرەنسا خۆپيشاندان و نارەزايی فەرەنسای گرتووەتەوە و ئيمانيۆل ماکرۆن سەرۆکی فەرەنسا باری نائاسايی راگەياندووە.

بەپێی هەواڵی ئاژانسە جیهانییەکان: لە ئێستادا 45 هەزار پۆلیس لە بنکە و خاڵە پێویستەکاندا جێگیرکراون بۆ رێگەنەدان بە زیاتر تەشەنەکردنی خۆپیشاندانەکان.

لەسەر ئەو دۆخەش ئیمانوێل ماکرۆن سەرۆکی فەرەنسا داوای لە دایک و باوکان کرد رێگە بە هاتنەدەرەوەی گەنجان لەماڵ نەدەن، بۆ ئەوەی ئەو ناڕەزایەتییانەی پەرەی سەندووە، هێور ببنەوە.
ماکرۆن داواش دەکات لە سەرجەم پلاتفۆڕمەکانی سۆشیاڵ میدیادا “پۆستە هەستیارەکان” کە دەبنە هۆی زیاتر تەشەنەسەندنی توندوتیژییەکان بسڕردرێنەوە.
رۆژی 27ی حوزەيران کوشتنی گەنجێکی تەمەن 17 ساڵ بە ناوی نايل کە بە رەگەز جەزائيرييە لە فەرەنسا گرژی و ئاڵۆزی بەدوادا هات، تا ئێستا لەلایەن پۆلیسی ئەو وڵاتەوە زیاتر 900 خۆپیشاندەر دەستگیرکراون.