رۆژى گهڕانهوهى حاجیانى عێراق دیاریكرا
حاجیانی سعودیە| فۆتۆ: وەزارەتی حەج و عەمرە
SNN
وهزارهتى گواستنهوه و گهیاندنى عێراق ئاشكرایكرد، رۆژى دووشهممه 3ى تهمموز، یهكهمین كاروانى حاجیان له سعودیهوه دهگاتهوه عێراق.
ئهمڕۆ یهكشهممه 2ى تهمموز، ڕهزاق موحهیبیس، وهزیرى گواستنهوه و گهیاندنى عێراق رایگهیاند، “سهرجهم ئامادهكاریهكان بۆ گهڕانهوه زیارهتكارانى ماڵى خودا كراوه و سبهى دووشهممه یهكهمین كاروانى حاجیان دهگاتهوه عێراق”.
وهزیرى گواستنهوه و گهیاندنى عێراق باس لهوهشدهكات، “فڕۆكهى B787 بۆ گهڕاندنهوهى حاجیان له سعودیهوه بهكاردههێنرێت كه به فڕۆكهى “خهونهكان” ناسراوه”.
به وتهى ڕهزاق موحهیبیس، “لهگهڵ حكومهتى سعودیه له پهیوهندى بهردهوامدان بۆ ئهوهى بهتهواوهتى ئاسانكارى بكرێت بۆ سهرجهم حاجیان لهكاتى گهڕانهوهیان و بتوانن به سهلامهتى بگهڕێنهوه ناو خێزانهكانیان”.
ئهمساڵ 37 ههزار حاجى له عێراقهوه گهشتى ئاینیی حهجیان ئهنجامدا و بوونه بهشێك لهو 2.6 ملیۆن حاجیهى كه له سهرتاسهرى جیهانهوه روویان له سعودیه كرد بهمهبهستى ئهنجامدانى فهریزهى حهج كه یهكێكه له فهریزهكانى ئاینى ئیسلام.
