“لهدواى جێبهجێ كردنى یاساى بودجه حكومهتى ههرێم باج و رسومات هاوتاى عێراق دهكات”
دراوى 25 ههزار دینارى عێراق
SNN
ئهندامێكى لیژنهى دارایی له ئهنجوومهنى نوێنهرانى عێراق رایدهگهیهنێت، لهدواى جێبهجێكردنى یاساى بودجه له ههرێمى كوردستان باج و رسوومات كهمدهبێتهوه، چونكه پێویسته هاوتاى عێراق بكرێت.
ئهمڕۆ شهممه 29ى تهمموز، د. نەرمین مەعروف ئەندامی لیژنەی دارایی لە ئەنجومەنی نوێنەرانى عێراق بە میدیاى حزبهكهى راگەیاند، “لە ئێستادا بەشێکی باج و رسوماتەکان لە ھەرێم، بە بەراوورد بە عێراق زیاترە، بەپێی یاسایی بودجە و رێککارەکانیش دەبێت باج و رسوماتەکانیش ھاوتای عێراق بکرێنەوە”.
له بهشێكى ترى قسهكانیدا ئهو ئهندامهى لیژنهى دارایی باسى له رێژهى باج و رسومات كرد له ههرێم و وتیشی: “ئەگەر باج و رسوماتەکان لە ھەرێم زیاتربێت، ئەوا توێژەکان مافی خۆیانە لە دادگای فیدراڵی سکاڵا بکەن بۆ ئەوەی ھاوتای عێراق بکرێن”.
لهبارى یاسایی بوونى زیادكردنى باج و رسومات د. نهرمین مهعروف ئهوهشى خستهڕوو، “زیادکردنی باج و رسومات دەبێت بە یاسا لە پەرلەمانەوە بکرێت، ئەوەی لە ھەرێم کراوە بە یاسا نەبووە، بە رێنمایی کراوە، ئەوەش نایاساییە و دەکرێت لە دادگای فیدراڵی ھەڵبوەشێنرێتەوە”.
