هۆکارێکی سەرەکی بەرزبوونەوەی بەهای دۆلار ئاشکرابوو
SNN
ئەندامێکی لیژنەی دارایی ئەنجومەنی نوێنەران رایگەیاند، یەکێک لە هۆکارە سەرەکییەکانی بەرزبوونەوەی نرخی دۆلار، دەگەڕێتەوە بۆ ئەوەی بڕیاری پێدانی دۆلار بە بازرگانە بچووکەکان نەخراوەتە بواری جێبەجێکردنەوە.
د.نەرمین مەعروف ئەندامی لیژنەی دارایی رایگەیاند، بە فەرمی بڕیاری پێدانی دۆلار بە بازرگانە بچووکەکان لە بەغداد لە قۆناغی سەرەتاییدایە و بە تەواوی نەچووەتە بواری جێبەجێکردنەوە، لەوبارەیەوە وتوویەتی “ئەگەر بڕیارەکە بە تەواوی جێبەجێ بکرێت، کاریگەریی لەسەر دابەزینی بەهای دۆلار دەبێت”.
ھۆکارێکی تری بەرزبوونەوەی بەهای دۆلاری گەڕاندەوە بۆ ئەوەی، دۆلار لەلایەن بازرگانەکانەوە لە بازاڕەکانی ئاڵوگۆڕی دراو، خواستی زۆری لەسەرە.
سەبارەت بە باشترین رێگە چارەسەر بۆ دابەزینی بەهای دۆلار، ئەو ئەندامەی لیژنەی دارایی وتوویەتی: “باشترین چارەسەر ئەوەیە بڕیاری پێدانی دۆلار بە بازرگانە بچوکەکان بخرێتە بواری جێبەجێکردنەوە تا بەخێرایی بتوانن دۆلار بە نرخی فەرمی دەستبخەن”.
