رۆژنامەی سەباح: مووچەی مووچەخۆران پەیوەندییەکانی هەرێم و بەغدا گەرمدەکاتەوە

SNN

رۆژنامەی سەباح لە نوێترین بڵاوکراوەیاندا ئاماژەیان بە سەردانەکەی شاندی هەرێم بۆ بەغدا کردووە و تیایدا هاتووە، سەردانی شاندەکەی هەرێم لە پێناو چارەسەری کێشەکان بووە لە نێویاندا کێشەی دارایی.

بەگوێرەی رۆژنامەی سەباح، سەردانی شاندەکەی هەرێم بۆ بەغدا هەنگاوێكی گرنگ بوو بە ئەنجامی چارەسەركردنی ئەو قەیرانانەی کە لەم دوواییەدا لە نێوان بەغدا و هەولێردا سەریهەڵداو، لەوانە پەکخستنی گەڕانەوەی پارتی دیموكراتی كوردستان بۆ كەركوك، لەگەڵ کەمی ئەو قەرزەی بەغدا مانگانە بۆ هەرێمی دەنێرێت بۆ دابینکردنی مووچەی مووچەخۆران.

ئاماژە بەوەکراوە، شاندەکەی هەرێم چەندین کۆبوونەوەی چڕی لەگەڵ سێ سەرۆکایەتییەکە و سێ سەرکردەی حزبەکە و هێزە سیاسییەکاندا کرد، ئەم هەوڵانەی هەرێم بۆ چارەسەرکردن و نەمانی کێشەکانی نێوان هەرێم و بەغدایە.