ئەمڕۆ مووچەی ئەم شوێنانە دابەشکدەکرێت

SNN-

دابەشکردنی مووچەی مانگی 7ی فەرمانبەران بەردەوامە و ئەمڕۆش مووچەی هێزەکانی پێشمەرگە دابەش دەکرێت.

بەپێی ئەو خشتەیەی وەزارەتی دارایی وئابوری بڵاویکردووەتەوە، ئەمڕۆ سێشەممە، دیوانی وەزارەتی پێشمەرگە، لیوا هاوبەشەکان و یەکەی 70 و 80 مووچەی مانگی تەمموز وەردەگرن.

هەرچەندە حکومەتی هەرێم دەستی بەدابەشکردنی مووچە کردووە بەڵام فەرمانبەران و مووچەخۆران بەتایبەت مامۆستایان دەڵێن، لە بایکۆت بەردەوام دەبن و ناچنەوە ناوەندەکانی خوێندن ئەگەر مووچەی دوو مانگیان پێ نەدرێت.