کوندەپەپویەک گەشتی سێ بەرپرسی هەرێمی کوردستان بۆ ئیمارات هەڵوەشاندەوە

SNN-

شەوی رابردوو شاندێکی حکومەتی هەرێمی کوردستان دەیانویست بۆ بەشداریکردن لە کۆنفرانسی ئەنجوومەنی بزنسی عێراق- بەریتانیا بچنە ئیمارات، بەڵام کوندە پەپویەک گەشتەکەی هەڵوەشاندەوە و گەشتەکەیان بۆ ئەمشەو دواخرا.

فڕۆکەکە لە هێڵی فلای دوبەی بووە و پێش فڕین بە ئەندامانی شاندەکەیان وتووە، “کێشەیەکی تەکنیکییان هەیە و کەمێک دوادەکەون، بەڵام دواجار ئەوەیان راگەیاندووە، کە ناتوانن گەشتەکە بکەن و کەوتووەتە سبەی شەو.”

رووداوەکە لە کاتژمێر7:45 خولەکی دوێنێ شەو بووە و باڵندەیەک لە جۆری کوندەپەپوو بەر بەشێکی هەستیاری فڕۆکەکە کەوتووە و بووەتە هۆی وەستانی گەشتەکە.

شاندەکەی حکومەتی هەرێمی کوردستان پێکهاتبوون لە کەمال موسلیم وەزیری بازرگانی و پیشەسازیی، ئومێد خۆشناو پارێزگاری هه‌ولێر و محەمەد شوکری، سەرۆکی دەستەی وەبەرهێنان.