کەشناسی کەشی پێشبینیکراوی 48 کاتژمێری داهاتووی بڵاوکردەوە

SNN

کەشناسی سەبارەت بە کەشی ئەمڕۆ رایگەیاند، ئاسمان نیمچە هەور دەبێت و لە هەندێک ناوچە نمە باران دەبارێت، سبەینێش تاوەباران دەبارێت.

ئەمڕۆ هەینی 8ی ئازار، بەشی پێشبینی بەڕێوەبەرایەتی کەشناسی سلێمانی رایگەیاند، ئەمڕۆ ئاسمان لە زۆربەی کاتەکان نیمچە هەور دەبێت و لە ناوچە جیا جیاکانیش ئەگەری بارینی نمە باران هەیە، بارانبارین لە سەر بەشێک لە ناوچە شاخاوییەکان کەمێک زیاتر دەبێت، پلەکانی گەرماش بەراورد بە دوێنێ یەک بۆ دوو پلە بەرزدەبنەوە.

لەبارەی کەشی سبەینێوە شەممە ئاشکرایکردووە، ئاسمان نیمچە هەور بۆ هەوری تەواو دەبێت، بە گشتی ئەگەری نمە باران لە کات و ناوچەی جیاجیا هەیە.

هاوکات، لە سنووری پارێزگای دهۆک و ناوچە شاخاوییەکان بارانی مامناوەند دەبارێت هەندێک کات تاوە باران کورت خایەن دەبێت، پلەکانی گەرماش بەراورد بە تۆمارەکانی ئەمڕۆ نزمدەبنەوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 17

سلێمانی : 16

دهۆک : 15

زاخۆ  : 15

هەڵەبجە : 17

کەرکوک : 19

سۆران : 13

حاجی ئۆمەران : 5

گەرمیان : 20