وڵاتانی بەرهەمهێنەری نەوت داوایەک لە عێراق دەکەن
Reuters
SNN
ئەمڕۆ وڵاتانی ئەندام لە رێکخراوی ئۆپێک و وڵاتانی بەرهەمهێنی نەوتی دەرەوەی رێکخراوەکە بە رابەرایەتی ڕووسیا، سەبارەت بە کەمکردنەوەی ئاستی بەرهەمهێنانی نەوت کۆبوونەوە.
لە کۆبوونەوەکەدا گفتوگۆکرا لەبارەی هەوڵەکان بۆ کەمکردنەوەی ئاستی بەرهەمهێنانی نەوت و جێگیرکردنی نرخی ئەو سامانە سرووشتییە لە بازاڕەکانی جیهاندا، هاوکات وڵاتان داوایان لە عێراق و نایجریا کرد زیاتر پابەندبن بە کەمکردنەوەی بڕی بەرهەمهێنانی نەوتەوە.
وڵاتانی بەرهەمهێنەری نەوت (کە بە ئۆپیک پڵەس ناویان دەبرێت)، رێکەوتن لەسەر کەمکردنەوەی بڕی نۆ ملیۆن و 700 هەزار بەرمیل نەوت لە رۆژێکدا لە نێوان هەردوو مانگی ئایار و تەمووزدا، ئەوەش لەپێناو بەرزکردنەوەی برخی نەوت کە بەهۆی بڵاوبوونەوەی پەتای کۆرۆناوە نرخەکەی بەشێوەیەکی بەرچاو دابەزیووە.
چەند سەرچاوەیەکی ئاگادار لە کۆبوونەوەکە بە میدیاکانیان وتووە، ڕووسیا و سعودیە هاوڕابوون لەسەر ئەوەی کە پێویستە لە مانگی تەمووزیشدا بەرهەمهێنانی نەوت کەمتر بکرێتەوە، لەکاتێکدا ریاز پێی وایە کە پێویستە تا ئابی داهاتوو وڵاتان بەردەوامبن لە کەمکردنەوەی ئاستی بەرهەمهێنانی نەوت.
