نرخی نەوت بەشێوەیەکی بەرچاو دابەزی

SNN-

نرخی نەوت بەشێوەیەکی بەرچاو دابەزی و گەیشتە کەمترین ئاستی دوو هەفتەی ڕابردووی

لە بازاڕەکانی جیهاندا نرخی نەوت بەشێوەیەکی بەرچاو ڕووی لە دابەزین کرد و نزمترین ئاستی خۆی لە ماوەی دوو هەفتەی ڕابردوودا تۆمارکرد.

بەپێی دوایین ئامارەکانی بازاڕی وزە، نرخی نەوتی برێنتی دەریای باکوور 4 دۆلار و 75 سەنت دابەزی و یەک بەرمیلی بە 98 دۆلار و 83 سەنت مامەڵەی پێوەکرا.

هاوکات، نرخی نەوتی سووکی تەکساسی ئەمریکاش بە ڕێژەی 4 دۆلار و 57 سەنت دابەزی و بەرمیلێکی بە 92 دۆلار و 3 سەنت مامەڵەی پێوەکرا.