مووچە
SNN-
وەزارەتی دارایی و ئابووریی هەرێمی کوردستان هەنگاوەکانی بۆ جێبەجێکردنی پابەندییە داراییەکان خێرا کردووە و پرۆسەی دروستکردنی لیستی مووچەی مانگی هەشت لە قۆناغی کۆتاییدایە.
سەرچاوەیەک لە وەزارەتی دارایی و ئابووریی هەرێمی کوردستان رایگەیاند، زیاتر لە هەفتەیەکە سیستەمی پەیڕۆڵ بۆ دروستکردنی لیستی مووچەی مانگی 8 کارا کراوە و یەکە ژمێریارییەکان لەم بوارەدا سەرقاڵی کارەکانیانن.
بەپێی زانیارییەکان، تا ئێستا بەشێکی زۆری یەکە ژمێریارییەکان توانیویانە لیستی مووچە ئامادە بکەن و پرۆسەکە بەردەوامە. چاوەڕوان دەکرێت تاوەکوو کۆتایی ئەم هەفتەیە سەرجەم لیستەکان بەتەواوی ئامادە ببن و ڕەوانەی بەغدا بکرێن.
