ڤیدیۆ:دێربی بە یەکسانبوون کۆتایی هات و چێڵسی بردنەوەی تۆمارکرد

SNN Sport

لە خولی ئینگلتەراو لە یارییەکانی هەفتەی 30 خولەکە یانەی لیڤەرپوڵ لە یەکەم دەرکەوتنیدا دوای قەیرانی ڤایرۆسی کۆرۆنا تووشی یەکسانبوون هات و نەیتوانی لە یانەی ئێڤەرتۆنی هاوشاری بباتەوە.

یاریەکە لە یاریگای ئێڤەرتۆن ئەنجامدرا، لە گێمی یەکەم هەردو یانە نزیکبوون لە گۆڵکردن، بەڵام لە کۆتایدا دوای 90 خولەک هەوڵدان هیچکامیان لە گۆڵکردن سەرکەوتوو نەبوون و یاریەکەیان بە خاوێنی و بە بێ گۆڵ تەواو کرد.

بەم یەکسانبوونە خاڵەکانی یانەی لیڤەرپوڵ لە پێشەنگی بووە 83 خاڵ و یانەی ئێڤەرتۆنیش 38 خاڵی هەیەو لە پلەی 12 دێت.

لە یارییەکی پێشووتردا یانەی چێڵسی بردنەوەیەکی بە نرخی لە دەرەوەی یاریگای خۆی بەدەستهێناو توانی 2-1 لە یانەی ئەستۆن ڤێلا بباتەوە.

سەرەتا یاریزان هاوس لە خولەکی 43 ئەستۆن ڤێلای بە گۆڵێک پێشخست و گێمی یەکەم 1-0  تەواو بوو.

لە گێمی دووەم یانەی چێڵسی گەڕایەوە بۆ دۆخی یاریەکەو توانی لە خولەکەکانی  60 و 62 دوو گۆڵ لە لایەن یاریزانان پۆلسیچ و جیرۆ بکات و یاریەکە 2-1 بباتەوە.

چێڵسی 51 خاڵی هەیەو لە پلەی چوارەم دێت و یانەی ئەستۆن ڤێلا بە کۆکردنەوەی 26 خاڵ لە پلەی 19 دێت.