جۆکۆڤیچ تووشی ڤایرۆسی کۆرۆنا بوو

SNN Sport

نۆڤاک جۆکۆڤیچی سڕبی و یەکەمی ریزبەندی جیهان، تووشی ڤایرۆسی کۆرۆنا بوو.

جۆکۆڤیچ رۆژی دووشەممە پشکنینی ڤایرۆسی کۆرۆنای ئەنجامداوە، ئەمەش پاش ئەوەی لە کرواتیاوە گەڕاوەتەوە بۆ بەلگرادو ئەمڕۆ سێشەممە رایگەیاند پشکنینەکەی پۆزەتیڤ بووەو هەڵگری ڤایرۆسەکە بووە.

هەروەها هاوسەری ئەو ئەستێرەیە”یلینا ریستیچ ” ئەویش دوای ئەنجامدانی پشکنین دەرکەوتووە هەڵگری ڤایرۆسەکە بووە.

پێشتریش بۆرنا کوریچ، گریگۆر دیمیترۆڤ،ڤیکتۆر ترۆیسکی تووشی کۆرۆنا بوون، ئەمەش پاش بەشداریکردنیان لە پاڵەوانێتی ئەدریا تۆر کە پاڵەوانێتییەکی نمایشکاری و خێرخوازی بوو لە چەند رۆژی رابردوو.