كاتانیچ 7 یاریزانی پیشەگهر بانگهێشتی ههڵبژاردهی عێراق دهكات
کاتانیچ
SNN Sport
سریچكۆ كاتانیچ راهێنهری ههڵبژاردهی یەکەمی تۆپی پێی عێراق 7 یاریزانی پیشهگەری نوێ بانگهێشتی لیستی سهرهتایی ههڵبژاردهی تۆپی پێی عێراق دەکات و تێیدا چەند پیشەگەرێکی کوردی تیدایە.
سهرچاوهیهكی نزیك له دهستهی ئاساییكردنهوهی تۆپی پێی عێراق له لێدوانێكی رۆژنامهوانیدا کە میدیا عێراقییەکان بڵاویان کردووەتەوە وتی”پاش پهیوهندی چڕ لهگهڵ كاتانیچ ، رێكکهوتن كرا له سهر زیادكردنی 7 یاریزان له پیشهگهرهكانی عێراق كه له ئهوروپا دهژین بۆ ریزی ههڵبژاردهی عێراق، ئەمەش له چوارچێوهی لیستی سهرهتایی هەڵبژاردەکە دەبێت”.
روونیكردهوه کە 7 یاریزانه بانگهێشتكراوهكان بریتین له جهستین میرام ، ئهحمهد یاسین ، ئوسامه رهشید ، موههند جهعاز ،ئهمیر معماری ، رێوان ئهمین و ژیلوان حهمهد )و پێشتر لوئهی عانی بانگهێشت كرابوو.
جێی ئاماژه پێكردنه كه جهستین میرام و ئهحمهد یاسین له پێكهاتهی فهرمیدا بوون ، بهڵام راهێنهر به سزایهكی ئیداری دووریخستبوونەوە.
