وەزیری دەرەوەی ئەمریکا: ئیدانەی کوشتنی هیشام هاشمی دەکەین

SNN-

وەزیری دەرەوەی ئەمریکا دەڵێت: “ئیدانەی تیرۆرکردنی هیشام هاشمی شارەزای ئەمنی عێراقی دەکەین، باسی ئەوەشدەکات کە حیزبوڵا رێکخراوێکی تیرۆریستییە و داوا لەهاموو وڵاتان دەکەین وەک تیرۆریست بیناسێنن”.

لەکۆنگرەیەکی رۆژنامەوانیدا مایک پۆمپیۆ لەواشنتۆن وتیشی: “پێویستە ئەنجومەنی ئاسایشی نێودەوڵەتی قەدغەی چەک لەسەر ئێران درێژ بکاتەوە”.

ئەوەشی خستەڕوو کە هاوکاری حکومەتی لوبنان دەکەن بکەوێتەوە سەر پێی خۆی و قبوڵی ناکەن ببێتە وڵاتێکی پاشکۆی ئێران.

لەبارەی چین و ڤایرۆسی کۆرۆناشەوە مایک پۆمپیۆ وتی: “رێکخراوی تەندروستیی جیهانی وەک پێویست دەستی نەداوەتە چاکسازی و لەسەر چینیش پێویستە راستییەکان بە جیهان بڵێت لەبارەی ڤایرۆسی کۆرۆناوە”.

وەزیری دەرەوەی ئەمریکا ئیدانەی تیرۆرکردنی هیشام هاشمی-شی کرد کە شەوی دووشەممە لەبەردەم ماڵەکەی خۆی لەشاری بەغدا کوژرا.

پۆمپیۆ وتیشی: “میلیشیا پاڵپیشتیکراوەکان لەلایەن ئێرانەوە تۆمەتبارن بەو کارە و بەشێوەیەکی دڕندانە تیرۆر کراوە”.