هەوڵێکی بەقاچاغبردنی نەوتی کەرکوک شکستی پێهێنرا

SNN- عیماد جەباری

هێزە ئەمنییەکانی کەرکوک شکستیان هێنا بە هەوڵێکی بەقاچاغبردنی نەوت لە رێگەی کامیۆنی گواستنەوەی سووتەمەنییەوە.

سەعد موعن وتەبێژی وەزارەتی ناوخۆی عێراق بڵاویکردووەتەوە، لەچوارچێوەی هەوڵەکانیان بۆ سەپاندنی یاسا، هەواڵگری وەزارەتی ناوخۆ دەستی گرتووە بەسەر سێ کامیۆنی گواستنەوەی نەوتدا کە جۆر و بڕی نەوتەکە نادیارە.

راشیگەیاندووە: لەو هەڵمەتەدا دوو شۆفێری ئەو ئۆتۆمبێلانەش دەستگیر کراون کە بەشدار بوون لەهەوڵی بەقاچاغبردنەکەدا.

هەر بەپێی راگەیاندراوەکەی وەزارەتی ناوخۆ، کامیۆنێکی دیکە بەشۆفێرەکەیەوە لەسنووری پارێزگای نەینەوا دەستی بەسەردا گیراوە.