سه‌ڵاحه‌دین سیامه‌ند چاكبوونه‌وه‌ی له كۆرۆنا راگه‌یاند
سەڵاحەدین سیامەند
SNN Sport
سه‌ڵاحه‌دین سیامه‌ند یاریزانی پێشووی هه‌ڵبژارده‌ی تۆپی پێی عێراق و یانه‌ی هه‌ولێر سه‌ركه‌وتنی بە سه‌ر ڤایرۆسی كۆرۆنا راگه‌یاند .
سیامه‌ند له لێدوانێكیدا بۆ یه‌كێك له پێگه هه‌واڵیه‌كانی عێراق وتی :” رۆژانی رابردوو بۆ من زۆر قورس بوون ، چونكه بۆ ماوه‌ی 14 رۆژ رووبه‌ڕووی كەرەنتینه بوومه‌وه “.
هه‌روه‌ها وتی:” پاش پابه‌ند به رێكاره خۆپارێزییه‌كان و كەرەنتینه‌ی ته‌ندروستی ، هه‌روه‌ها پابه‌ند به رێنماییه‌كانی ئه‌و پزیشكه‌ی سه‌رپەرشتی دۆخه‌كه‌می ده‌كرد ، به‌ته‌واوه‌تی چاكبوومه‌ته‌وه و له میانه‌ی پشكنینه پزیشكییه‌كانی ئه‌مڕۆ شه‌ممه چاكبوونه‌وه‌م دووپات بووەوە”.
جێی باسه سه‌ڵاحه‌دین سیامه‌ند ئێستا نیشته‌جێی سویده و له جامی جیهان بۆ لاوان ساڵی 2001 له ریزی هه‌ڵبژارده‌ی لاوانی عێراق یاری كرد ، دواتر بۆ هه‌ڵبژارده‌ی یه‌كه‌می عێراق بانگکراوەو یاری كردووه.
