هەولێر؛ هاوسەرێک خێزانەکەی خۆی بەفیشەک لە بەرچاوی دایک و خوشکەکەی دەکوژێت

SNNـ مەودا مستەفا

لە قەزاری بنەسڵاوەی شاری هەولێر بەهۆی کێشەیەکی کۆمەڵایەتییەوە هاوسەرێک خێزانەکەی خۆی بە فیشەک دەکوژێت.

پەیامنێری SNN لەهەولێر رایگەیاند: رووداوەکە بەم شێوەیە بووە “دوای ئەوەی پیاوەکە هاوسەرەکەی بۆ ماڵی دایکی دەباتەوە لەناو ماڵی دایکی و لەبەرچاو دایک و خوشکەکانی چەن فیشەکێک بە خێزانەکەیەوە دەنێت و دەست بەجێ دەیکوژێت”.

وتیشی، “راستەوخۆ کەسی تەقەکەر دوای رووداوەکە دەستگیرکراوە، SNN پەیوەندی کرد بەوتەبێژی پۆلیسی هەولێر، بەڵام پەیوەندییەکە بەردەست نەبوو”.