بەشێک لە فڕۆکە (سۆخۆی)یەکانی عێراق کۆن بوون و پێویستیان بە نۆژەنکردنەوەیە
سۆخۆی عێراقی (su-25)
SNN
مەهدی تەقی ئەندامی لیژنەی ئەمنی لە پەرلەمانی عێراق رایگەیاند: کە کۆمەڵێک فڕۆکەی هێزی ئاسمانی عێراق لە جۆری (سۆخۆی) وەستاون لە ئەرک و فڕین و پێویستیان بە دووبارە چاکردن و نۆژەنکردنەوە هەیە.
ئەو ئەندام پەرلەمانە ئاماژەی بەوەشکرد، کە داوایان لە مستەفا کازمی سەرۆکی فەرماندەی گشتی هێزە چەکدارەکان و سەرۆک وەزیرانی عێراق کردووە کە زیاتر هاوکاری هێزی ئاسمانی عێراقبێت چونکە چەندین فڕۆکەی ڕووسی کۆن هەیە کە دووبارە پێویستیان بە نۆژەنکردنەوە هەیە یاخود بە تەواوی لە ئەرک بخرێن.
لە وەڵامی پرسیارێکدا دەربارەی ئەوەی کە کۆمەڵێک فڕۆکەی عێراق 3 بۆ 4 ساڵ دەبێت لەکارکەوتوون و نۆژەن نەکراونەتەوە مەهدی تەقی دەڵێت: بەڵێ راستە کۆمەڵیک فڕۆکەی سۆخۆی رووسی هەیە کە ماوەی 3 ساڵ زیاترە لەکارکەوتوون و نۆژەن نەکراونەتەوە.
ئەو ئەندامەی لیژەی ئەمنی عێراقی وتیشی” پێویستە عێراق کرانەوەی لەگەڵ سەرجەم وڵاتانی جیهاندا هەبێت و لە ڕێگەیەوە بتوانێت هێزی ئاسمانی خۆی بەهێز بکات و شەری داعشی پێبکات و چیتر مۆدێلی ئەو فڕۆکە کۆنە رووسیانە نەماوە کە ئیستا لە عێراقدا بوونی هەیەو بەشێکی زۆری هی رژێمی پێشووی بەعس بووە و بەکاری هێناوە، پێویستە لیژنە عێراقییەکان لەگەڵ کۆمپانیا سەربازییەکانی ئەمریکا رێکبکەون تا فڕۆکەی پێشکەوتوو بهێنرێتە وڵاتی عێراقەوە”.
