وەزیری بەرگری عێراق گەیشتە ئۆکرانیا
وەزیری بەرگریی عێراق و هاوتا ئۆکرانییەکەی
SNN
ئێوارەی دوێنێ وەزیری بەرگری عێراق بەسەردانێکی رەسمی گەیشتە ئۆکرانیا بەمەبەستی باسکردنی پەیوەندییە دووقۆڵییەکانی نێوان هەردوو وڵات.
بەیاننامەیەکی وەزارەتی بەرگریی عێراق ئاماژەی بەوەداوە کە جومعە عیناد وەزیری بەرگریی عێراق بۆ تاوتوێکردنی چەند پرسێکی سەربازی و ئەمنی گەیشتۆتە ئۆکرانیا.
بەیاننامەکەی وەزارەتی بەرگری عێراق دەشڵێت: “سەردانەکە بۆ قسەکردنە لەسەر پرسی راهێنان و مەشقی سەربازی و پڕچەککردن و رووبەڕووبوونەوەی داعش.
وەزیری بەرگریی عێراق لە لایەن هاوتا ئۆکرانییەکەوە بەشێوەیەکی رەسمیی پێشوازی لێکراوە، وەک لە بەیاننامەکەی وەزارەتی بەرگریدا هاتووە.
