شەش هەزار پارچە زەویی کارت تاپۆ کران
SNNـ بڕیار محەمەد
سەرۆکایەتیی شارەوانیی هەولێر تاپۆکردنی شەش هەزار پارچە زەوی راگەیاند، کە لیژنەیەکی باڵا سەرپەرشتیی پرۆسەکە دەکات.
ئه‌مڕۆ پێنجشه‌ممه 1ی تشرینی یەکەم، فرسەت سۆفی، پارێزگاری هەولێر له‌کۆنگرەیەکی رۆژنامەنووسیدا رایگەیاند: “لەسەر فەرمانی سەرۆکی حکومەتی هەرێمی کوردستان لیژنەیەکی باڵا بۆ تاپۆکردنی ئەو زەوییانەی کارتیان هەبوو پێکهێنرا، له هه‌ولێر 120 هەزار پارچە زەوی کارتیان هەبوو (کارت واتا زەوییەکان دراون بە هاووڵاتیان بەڵام هێشتا تاپۆ نەکراون)، پێشتر 65 هەزاریان تاپۆ کراون و ئەمڕۆش شەش هەزاریان کراونەتە تاپۆ و پرۆسەکەش بەردەوام دەبێت”.
لای خۆشیەوە عەبدولواحید ئەحمەد، سەرۆکی شارەوانیی هه‌ولێر وتی “لەسەر فەرمانی سەرۆکی حکومەتی هەرێمی کوردستان لیژنەیەکی باڵا پێکهێنراوە، کە نوێنەری پارێزگای هەولێر و شارەوانیی هەولێر و وەزارەتی شارەوانی و وه‌زاره‌تى دارایی تێیدا ئەندامن، پرۆسەی تاپۆکردنی زەوییەکان بەردەوام دەبێت”.
