نرخی ئەمپێڕی موەلیدە ئەهلییەکان بۆ مانگی یانزە دیاری کرا

SNN

ئەمڕۆ چوارشەممە 2ی کانوونی یەکەم 2020، قایمقامی سلێمانی نرخی ئەمپێڕی موەلیدە ئەهلییەکانی بۆ مانگی تشرنی دووەم دیاری کرد کە نرخەکەی لە نێوان 5 هه‌زار و “500” دینار بۆ “7” هه‌زار دینار دەبێت، هەروەها بۆ مانگی دوانزه‌ (كانوونی یه‌كه‌م) له كاتژمێر 12ی نیوه‌ڕۆ بۆ (1)ی شه‌و ده‌بێت‌ له‌ و ماوه‌یه‌دا ھەرکاتێک کارەبای نیشیمانی کوژایەوە موەلیده‌ ئه‌هلییه‌كان کارەبا دابین دەکەن.

هەروەها بۆ دیاریکردنی نرخی موەلیدە ئه‌هلییه‌كان بۆ مانگی (11)، دوای هه‌ڵسه‌نگاندن به‌پێی كاتژمێره‌كانی كاركردنیان، نرخی ئەمپێرێک لە نێوان 5 هه‌زار و “500” دینار بۆ “7” هه‌زار دینار دەبێت، به‌ڵام به‌هۆی سوتان محه‌ویله‌ی وێستگه‌ی 132 كه‌ی ڤی له‌ سلێمانی” موه‌لیده‌ی هه‌ندێك گه‌ڕه‌ك و ناوچه‌ له‌ باشووری سلێمانی موه‌لیده‌ ئه‌هلی زیاتر كاری كردووه‌ له‌به‌رئه‌وه‌‌ نرخی موەلیده‌ له‌و گه‌ڕه‌كانه‌ زیاتر ده‌بێت بەوپێیەش نرخی ئەمپێڕێک کارەبا لە گەڕەکێک بۆ گەڕەکێکی تر جیاواز دەبێت”.

سەبارەت بە بەرنامەی کارکردنی موەلیدەکان بۆ مانگی یانزە تشرینی (دووەم) ھەرکاتێک کارەبای نیشتمانی کوژایەوە پێویستە موەلیدە ئەھلییەکان کارەبا بۆ ھاووڵاتییان دابین بکەن، لەکۆبونەوەکەشدا ئەو خاڵە دوپاتکرایەوە کە پێویستە دوای کوژانەوەی کارەبای نیشتیمانی (10) خولەک زیاتر بەسەر کارپێکردنی موەلیدە تێنەپەڕێت، بەپێچەوانەوە، سەرپێچیکار رووبەڕووی سزایی یاسایی دەکرێتەوە.